I ia wā ka toro koe ki tētahi whārangi tukutuku ka rokirokitia e tō pūtirotiro ipurangi ngā mōhiohio e pā ana ki tō wā pūtirotiro. Ki te whai wāhi atu tētahi ki tō pūtirotiro i muri i ō mahi pūtirotiro tuihono, ka kitea noatia e ia he aha tāu e tirotiro tuihono ana.
Kei raro ko ētahi āwhina whaitake me ngā pae hei āwhina i a koe ki te muku i tō hītori pūtirotiro engari ko te tikanga tere rawa mō te aukati i te kite a tētahi atu i tō hītori pūtirotiro ko te whakamahi i tētahi rorohiko i tō whare pukapuka, he kawhe ipurangi, wāhi mahi rānei.
Ki te tūpono atu he tangata ki a koe i a koe e tirotiro ana tēnei pae, ko te tikanga tere rawa ki te hunga i tāu e kimi ana ko te pāwhiri wawe i te ripa putaatu kei raro o tēnei whārangi. Ka taea e koe te hoki atu ā muri ake ki te muku i tō hītori pūtirotiro mēnā e hiahia ana koe.
Te muku i tō hītori pūtirotiro ipurangi
Tuatahi, hei ūkui i tō hītori tuihono me mōhio koe ki te pūtirotiro tukutuku e whakamahia ana e koe. Anei ētahi e whakamahia noatia ana:
Internet Explorer (Microsoft)
Firefox (Mozilla)
Safari (Apple)
Chrome (Google)
Opera (Opera Labs)
Mēnā kāore koe i te tino mōhio ko tēhea te pūtirotiro e whakamahia ana e koe, pāwhiri ki konei(external link) ki te rapu ko tēhea (me tiro ki te pūtirotiro anake, kaua e aro atu ki ētahi atu.)