Te tiki tautoko

Ko te mea matua ko te tiaki i a koe anō. Mēnā kei te noho mōrea koe me whiwhi āwhina rānei koe, me waea atu ki 111.

Ehara nōku anake tōku kaha, nō te hunga anō i tauawhi i ahau. I te mea, mei kore ake i ā rātau i puta ai ahau ki te ao mārama. He tokomaha ngā tāngata i āwhina i ahau.

Ashley

Ehara i te mea mā tō kotahi tēnei e waha. He rerekē te pānga o te koeretanga, ā, he rerekē tēnā me tēnā.  Tērā pea he pānga tinana, kakare, hinengaro, whanonga rānei. E wātea ana ngā tautoko, ahakoa tōu āhuatanga, ahakoa i pā mai inanahi, i ngā tau maha ki mua rānei. Kāore he tōmuritanga o te tiki tautoko.

  • He tangata anō kei reira e mōhio ana koe, e pono ana koe, hei hoa kōrero? 
  • Mō ngā tautoko ngaio, me tīmata mā te kōrero ki te hunga kei te waea āwhina "He pai ki te kōrero(external link)"; mā rātau koe e āwhina ki te tūhono i a koe ki ngā ratonga kei tō hapori. Ka taea e rātau te toro atu ki ngā ratonga tautoko hāngai ake mā ngā tāne, wāhine, tamariki, Māori, Pasifika, te hunga nō Te Tonga o Āhia me te Pū o te Rāwhiti, tae atu ki ētahi atu ahurea, te hapori RAINBOW, ngā kaiwhakamahi taihemahema me te hunga hauā. E wātea ana ngā tautoko mā ngā hoa me ngā whānau, hoki.
  • Mēnā he hiahia atu anō ōu hei whakaaroaro, ka taea te tiki tautoko mātanga. Mā te waea āwhina He pai ki te kōrero(external link) e āwhina ki te tiki i ngā tautoko pai rawa māu. Ka taea e koe te waea atu ki 0800 044 334, patowaea ki 4334, te kōrero rānei mā kōrerotukutuku. Ka whakarongohia koe, ā, kāore koe e whakawātia.
  • Te āwhina i tētahi atu
  • Ko te maha o ēnei ratonga he koreutu, ā, ko ētahi atu ka tono kia tukuna he whakaaro, kia rapua rānei ngā pūtea a ACC(external link), WINZ rānei hei utu i ngā whakapaunga.

Ngā tautoko ā-pūtea:

Mēnā he pārurenga koeretanga koe ka taea pea ngā tautoko ā-pūtea hei āwhina kia ea ai ētahi o ngā utu o te taihara.  Kei konei(external link) ētahi atu mōhiohio

Ō motika:

E whai motika ana ngā pārurenga taihara i Aotearoa.  Ko te āhua o tō manaakitia te āhua o ā rātau momo kaupapa. E whārikihia ana ēnei motika i roto i te Ngā Tikanga a te Pārurenga(external link) 

Ki ahau ko tētahi o ngā tauārai mō te hunga e whakaputa kōrero ana [koeretanga] ko te pōhēhē ka whakawātia rānei. Ko te whakaaro me kaha te tāne, ā, kāore ōna kare ā-roto, nō reira ki ahau koinā te pōhēhē.

Martin.B

PŌHĒHĒ: I hoki mai ia ki te kāinga me te kī mai i pāwheratia ia engari mēnā i tino pā mai kua pakaru kē mai tana auē...

MEKA: Kāore he urupare 'māori' ki te koeretanga. He rerekē te urupare a ngā pārurenga-mōrehu.

View All
Kei te hiahia koe ki te kōrero ki tētahi tangata? He pai ki te kōrero he koreutu me te matatapu
Tere haere
239.6z"/>