Kei te hiahia ahau ki te āwhina i te tangata

Mēnā kei te tautoko koe i te tangata i koeretia he wāhanga nui tōu i roto tōna whakaoranga mā te tautoko noa iho i a ia, te whakarongo, te whakapono ki a ia, ā, me te kore e whakawā i a ia.

Ka tino āpuru pea koe, ā, ka māharahara hoki koe kei hē ō kōrero. Ehara i te mea rerekē ki ngā pārurenga-mōrehu me ana kaitautoko te uru mai o te āwangawanga i roto i a rātau i muri i te pānga mai o te koeretanga. Ka pupū ake anō i ētahi atu momo whakaaro.  Anei ētahi āwhina mō te tautoko i te tangata:

Ko te wāhi tika o tō tautoko mai ka ahu i te aroha: 'He pai ki ahau i kōrero mai koe, ehara nōu te hē, kei konei ahau ki te awhi i a koe.'

Megan

  • Mō te maha o ngā pārurenga-mōrehu, he mea tino taketake ngā tautoko mō te whakareka, ka mutu tino whaihua te whiwhi i ngā urupare aroha mai i ngā hoa me te whānau. 
  • Hei pai noa iho mēnā kāore i a koe ngā whakautu katoa. I te nuinga o te wā mā te whakarongo noa iho ki a ia me te kī atu kei reira koe ki te awhi i a ia te mea tino pai rawa ka taea e koe. 
  • Me kōrero atu ki i a ia kei te aro nui atu koe, kāore koe i te whakapae nōna te hē, me tō whakapono ki a ia.
  • Me āwhina i a ia ki te whai i ngā tautoko ngaio, mēnā koinā tana hiahia. Me whai i te hono He Pai ki te Kōrero, kei raro o tēnei whārangi. 
  • Kāore he rongoā tere, māmā rānei mō te whakaora mai i te koeretanga, nō reira he mea kia manawanui mēnā ka uru mai te whakaaro he roa rawa te puta ki te māramatanga mō ētahi. Kia maumahara, tērā pea ka oho mai aua āhuatanga anō i ētahi wāhi, kupu, kakara rānei. He maha ngā mōhiohio kei tēnei paetukutuku mō te tiki tautoko, te kōrero ki ngā Pirihimana, ā, mō te te tukanga Kōti. 
  • Hei tuku i ngā tautoko whaitake ki tērā e arohaina ai e koe, he mea taketake hoki te tiaki i a koe anō. Ka tuku ētahi ratonga i ngā tumu kōrero ki te whānau me ngā hoa o te tangata kua pāngia e te koeretanga. 
  • Mēnā kei te māharahara koe kei te tūkinotia tētahi tamaiti, ā, kāore ia i te pai me whakapā atu ki Oranga Tamariki(external link) i 0508 326 459.  Mēnā kei te noho mōrearea te tamaiti me waea atu ki Ngā Pirihimana i 111.

Te noho haumaru

Te kōrero ki ngā Pirihimana

Te kōrero ki ngā Pirihimana
PŌHĒHĒ: Engari i hoki ia ki te kāinga o te tangata nō reira i te hiahia ai pea ia...

MEKA: E kore e pai te pōhēhē kei te whakaae ia - he motika ō ngā tāngata katoa ki te kōwhiri mēnā ka mahi taihemahema, ā, me te whakahē atu ahakoa te wā.

View All
Kei te hiahia koe ki te kōrero ki tētahi tangata? He pai ki te kōrero he koreutu me te matatapu
Tere haere
239.6z"/>