Ka pātai te tangata, ‘He aha i kore ai koe i kōrero?'. Ehara i te mea māmā. E hia ngā wā i kōrero ahau ki ahau anō i roto i tōku hinengaro. He maha ngā kōrerorero i roto i tōku hinengaro ki te kimi i ngā kupu.
Nikki
I te nuinga o te wā kei te mōhio te pārurenga-mōrehu ki te nanakia, ā, kāore pea he whakarekereke. Ka pā mai i roto i tētahi hononga, hononga mārena rānei. Pā mai ai te koeretanga ki ngā momo tāngata katoa ahakoa taipakeke, ira tangata, tūnga, ahurea, pūmanawa, hōkakatanga hoki.
Ko ētahi mahi koeretanga ko te:
- raweke pokanoa, pērā i te kihi
- wero i te tara, koitō, waha rānei.
- whakahau i te tangata ki te mātaki, te mahi rānei i te karihika.
- te whakahau i a koe kia pā ki a ia.
- te whakahau i te tangata ki te mahi hōkaka, pērā i te raweke i a koe anō.
- taitōkai ā-atahanga
Te tuari ihirangi taupiri mō te tangata engari kāore ia i whakaae (ahakoa i whakaaetia te mahinga o ngā ihirangi).
View the full glossary
Te whakaae atu:
E whakaae ana te tangata ki te mahi ai mēnā kei te āta mahia e ia, kei te rata, kei te whakaatu i runga i te mōhio me te kore e pēhia. I Aotearoa, 16 tau te taipakeke o te whakaetanga.
Ētahi rerekētanga mō te whakaaetanga
Ka tuku whakaaetanga ki te mahi i tētahi mea. Ehara i te mea me whakahua 'kāo' te tangata, me whawhai rānei hei whakaatu kāore ia i te whakaae atu.
View the full glossary :
- ehara i te mea me kaha tō whakahua 'kāo', te whawhai atu rānei hei whakaatu i tō whakahē - he rerekē te aupēhi ki te mahi tahi
- Mēnā kāore koe i kaha ki te whakahē ahakoa pēhea, kāore koe i whakaae atu - arā, pēnei i te mea i te mōhio koe, i warea e te whakapoauau, i te haurangi rānei
- mēnā i whakaae koe kia rawekehia koe nā te ringa tū ki a koe, he whakatumatuma, he mataku rānei (ki a koe, tō whānau/hoa rānei), ehara tērā i te whakaae atu
- mēnā i whakaae koe i te tuatahi engari ka huri ō whakaaro - kei a koe te mana ki te whakahē
- mēnā he kaha ake te hiahia ai o te tangata i tāu i whakaae ai
- mēnā i pōhēhē koe he tangata kē atu ia
- mēnā e pāngia ana koe e tētahi mate hinengaro, wairangi, tinana rānei, ā, kāore e taea e koe te whakahē, te aukati rānei.
E rua ngā ataata e whakamārama ana i te āhua o te whakaaetanga. Tuatahi, anei tētahi whakamāramatanga i te whakaaetanga, he pēhea te tuku, he pēhea te tango:
Whai muri mai ko tētahi tino ataata e tuku tohutohu ana mō te whakaaetanga, mā te whakamahi i tētahi "kapu tī" hei whakatauritenga whaitake.
PŌHĒHĒ: Engari he kōtiro nohinohi ia, ā, he whānau te tangata; engari mēnā he tika te kōrero ko te tikanga kua kōrero kē mai ia...MEKA: Kāore e ōrite katoa te urupare a ngā tamariki katoa ki te koeretanga, ka kōrero wawe pea ētahi ki ētahi atu, ā, engari kaua ētahi; mā te poipoi ka whakaawe mēnā, āhea rānei ka whāki te tamaiti ki tētahi atu.