PŌHĒHĒ: I kī ia i pā mai i ngā tau maha ki mua engari mēnā i tino pā mai kua kōrero kē mai ia i mua...MEKA: He rerekē te urupare a ngā pārurenga-mōrehu. He maha pea ngā pūtake kāore e wawe te pūrongo, ārā, kei te mataku ia, whakamā, whakahē, kei te mōhio rānei ki te nanakia, kāore rānei i te hiahia kia uru ia ki te raruraru.
PŌHĒHĒ: Engari i ai māua i mua...MEKA: Ahakoa i whakaaetia i mua ehara i te mea ka whakaaetia ngā mahi taihemahema katoa ā muri ake. Kei a koe te tikanga ki te kōwhiri mēnā mahi taihemahema, kāore rānei.
PŌHĒHĒ: Engari i te haurangi ia i tāna mahinga i taua mahi ...MEKA: Kei te tangata haurangi tonu, kua warea rānei e ngā whakapōauau te kawenga mō ana mahi. E kore rawa e whakaaetia ana te koeretanga.
PŌHĒHĒ: Engari he tino poto te panekoti e mau ana ia, he aha kē atu tāna e tūmanako ana?MEKA: Ko te kaupapa o te koeretanga ko te kaha me te mana, ehara ko te āhua o te tangata, ōna kākahu rānei. Ehara nō te pārurenga-mōrehu te hē. E kore rawa e whakaaetia ana te koeretanga.
PŌHĒHĒ: Engari kāore e pā mai te koeretanga ki te hunga kaumātua...MEKA: Pā mai ai te koeretanga ahakoa ko wai te tangata ahakoa tōna ira tangata, mātāwaka, hōkakatanga, kaha, taipakeke rānei. Ko te kaupapa o te koeretanga ko te kaha me te mana.
PŌHĒHĒ: Engari i hoki ia ki te kāinga o te tangata nō reira i te hiahia ai pea ia...MEKA: E kore e pai te pōhēhē kei te whakaae ia - he motika ō ngā tāngata katoa ki te kōwhiri mēnā ka mahi taihemahema, ā, me te whakahē atu ahakoa te wā.
PŌHĒHĒ: I hoki mai ia ki te kāinga me te kī mai i pāwheratia ia engari mēnā i tino pā mai kua pakaru kē mai tana auē...MEKA: Kāore he urupare 'māori' ki te koeretanga. He rerekē te urupare a ngā pārurenga-mōrehu.
PŌHĒHĒ: Engari i te tino kaha tana hiahia ai, kāore ia i hiahia ki te whakamamae i ahau...MEKA: E kore rawa e pai te pēhi i te tangata kia mahia he mahi taihemahema, ahakoa he tangata e arohatia ana e koe, kei te whai rānei kōrua. E kore rawa e whakaaetia ana te koeretanga.
PŌHĒHĒ: Engari ko ia taku hoa wahine, me te aha he wahine anō ahau...MEKA: He maha ngā momo āhuatanga o te koeretanga, ā, i roto hoki i ngā hononga ira tangata ōrite. Ko ngā mahi taihemahema poka noa he koeretanga tērā, ahakoa kei te mōhio koe ki te tangata.
PŌHĒHĒ: Engari he tokorua rāua, ā, kei te noho tahi tonu...MEKA: He uaua te wehe i tētahi hononga. Ka noho pea te tangata i te mea kei te mataku ia, ka aroha tonu ia ki te tangata, he itiiti noa rānei ngā mahi tūkino
PŌHĒHĒ: Engari he kōtiro nohinohi ia, ā, he whānau te tangata; engari mēnā he tika te kōrero ko te tikanga kua kōrero kē mai ia...MEKA: Kāore e ōrite katoa te urupare a ngā tamariki katoa ki te koeretanga, ka kōrero wawe pea ētahi ki ētahi atu, ā, engari kaua ētahi; mā te poipoi ka whakaawe mēnā, āhea rānei ka whāki te tamaiti ki tētahi atu.
PŌHĒHĒ: Engari kāore e taea e te wahine te tāne te pāwhera...MEKA: Pā mai ai te koeretanga ahakoa ko wai te tangata; tērā pea nā ngā mahi whakaawe me te whakatumatuma, ka tumeke pea te pārurenga-mōrehu, kāore pea e kaha ki te whakaae.
PŌHĒHĒ: I tukuna e ia he whakaahua kirikau ki a ia, i te mōhio tātau ka whakaaturia e ia ki ōna hoa...MEKA: He taihara te whakaatu ki te tangata he whakaahua o te tangata kirikau me te kore e whakaae mai o te tangata i roto i te whakaahua.
PŌHĒHĒ: Engari e mārena ana rāua...MEKA: Pā mai ai te koeretanga i roto i tētahi mārena. Ka noho tonu pea te pārurenga-mōrehu i te mea kei te mataku ia. Mēnā ka pērā, ehara i te mea kāore i pā mai te koeretanga.
PŌHĒHĒ: He hauā ia, kāore pea e mahi kinotia ki a ia...MEKA: Pā mai ai te koeretanga ki ngā momo tāngata katoa ahakoa taipakeke, ira tangata, ira tangata, mātāwaka, pūmanawa, hōkakatanga rānei.
PŌHĒHĒ: He tāne ia, mēnā kāore ia i hiahia ko te tikanga ka taea e ia te aukati...MEKA: Kāore he urupare 'māori noa' ki te koeretanga; ka whawhai ētahi engari ka tumeke ētahi. Ka whakaawetia pea, ka whakatumahia rānei i te koeretanga - ka pā mai tētahi ki te tangata ahakoa ko wai.
PŌHĒHĒ: Engari kāore i marū tōna tinana, ā, i kī ia nā tana hoa tāne tonu.MEKA: E mōhio ana te pārurenga-mōrehu koeretanga i te nuinga o te wā ki te nanakia nāna te mahi kino. Ko ngā wharanga kei waho/roto pea; kore rawa rānei.
PŌHĒHĒ: Ka rūkahu ngā tangata mō te pāwhera i ngā wā katoa...MEKA: Kāore e tino rerekē ake te toharite o ngā whakapae pāwhera teka ki ētahi atu whakapae teka mō ētahi atu taihara.
PŌHĒHĒ: Engari i tū tōku ure, ā, i reka...MEKA: Ehara i te mea i whakaae koe, i pārekareka rānei ki ngā mahi; tē taea e tātau te pupuri i te urupare a ō tātau tinana. Ko ngā mahi taihemahema poka noa he koeretanga tērā.
PŌHĒHĒ: He kaimahi taihemahema ia, tē taea te kī i pāwheratia ia...MEKA: He ōrite ngā motika o ngā kaimahi taihemahema ki ētahi atu tāngata e pā ana ki te whakaae me te tango i taua whakaaetanga. Ahakoa ka whakaae koe ki tētahi mea ehara i te mea kei te whakaae koe ki ngā mea katoa.